Urriaren 18 an, gripearen aurkako txertaketa kanpaina jarri du martxan Osakidetzak. Kanpaina hori datozen asteetan egingo da Elitxu auzo elkartearen lokalean.

Lokala goizez erabiliko da. Ordu horietan, lokalean ohikoak izaten diren jarduerak ez dira egingo.

Elitxu auzo elkarteak lehentasuna ematen dio Osasun Zerbitzuarekin ahal den neurrian kolaboratzeari kanpaina hori aurrera eramateko eta ahalik eta baldintzarik
onenetan gainera.

Auzotarren esku-hartze bat da Oñaurreko kirol-instalazioaren abiapuntua, 2019ko aurrekontu parte-hartzaileetan egindako proposamen bati esker.

Obra arloak lehen proiektu bat egin zuen, eta auzotarrei aurkeztu zitzaien. Aurkeztutako proposamena aztertu ondoren, auzotarrek iradokizun batzuk egin zituzten, eta behin betiko proiektuan kontuan izan dira horiek.

Obren helburu nagusia da Oñaurren kirola aire zabalean egiteko gune bat prestatzea.

Honako hauek izango ditu instalazio berriak: 30 x 15 m-ko kirol askotarako pista bat erdialdean, saskibaloi-kantxa txiki bat, kalistenia egiteko espazio bat eta zenbait osagarri.<0}

Obra gauzatzeko epea 5 hilekoa izango dela zenbatetsi da.

Oñaurreko bizilagunek gutun bat bidali digute auzoan lokal sozial bat eskatzeko. Guztira, 440 sinadura bildu dituzte eskaera horren alde, eta eskatu digute horren berri ematea gure hiriko gobernu-taldeari, komunikabideei eta alderdi politikoei.

Datorren astelehenean, apirilaren 26an, 8 etatik aurrera, ezin izango dugu erabili Alarde eremuan dagoen aparkalekua, eremu horretan babes ofizialeko 42 etxebizitza eraikitzeko obrak hasiko direlako.

Martxan da COVID-19aren aurkako txertaketa-kanpaina gure elkartean.

Erabilera anitzeko lokala (23. zkia) txertaketarako bakarrik erabiliko da. Astearte eta ostegunetan bakarrik erabil dezakegu, 18:30etik aurrera, beste jarduera batzuetarako edo elkartearen bilerak egiteko.

Elitxu bizilagun-elkartean uste dugu lehentasuna duela osasun-zerbitzuarekin elkarlanean aritzea txertaketa errazteko. Aipatutako kanpaina datozen hilabeteetan zehar luzatuko da.

DAGOENEKO BUKATUTA DAGO GURE “LAPITZE AUZO PLANA”!!

EZAGUTU NAHI BADUZU, ZOAZ “PROIEKTUAK” ATALERA, GURE WEBGUNEAN.

Hizkuntza-ohituren aldaketan pauso garrantzitsua eman zen 2018an Euskaraldiari esker. Euskararen erabilerari bultzada emateko, ordea, gehiago sakondu beharra dago ekimen honen antolatzaile nagusien ustez; hain zuzen, pauso berriak emateko antolatu da bigarren Euskaraldia. Ariketa masiboa 2020ko azaroaren 20tik abenduaren 4ra bitarte egingo da.

Aurreko edizioan egin zen moduan, Ahobizi eta Belarriprest rolen bidez egingo da ariketa, aurten ere: herritarrek Euskaraldian izan nahi duten jokabidearen arabera erabakiko dute zein rol hartu nahi duten.

COVID-19ak sortutako egoera medio, online besterik ezingo da izena eman; azaroaren 19ra arte izango da horretarako aukera, web-orrian:

https://izenematea.euskaraldia.eus.

Urriko bigarren astean, gripearen aurkako txertaketa kanpaina jarri du martxan Osakidetzak. Kanpaina hori datozen hilabeteetan egingo da Elitxu auzo elkartearen lokalean.

Lokala 10:00etatik 17:00etara bitartean erabiliko da. Ordu horietan, lokalean ohikoak izaten diren jarduerak ez dira egingo.

Elitxu auzo elkarteak lehentasuna ematen dio osasun zerbitzuarekin ahal den neurrian kolaboratzeari kanpaina hori aurrera eramateko eta ahalik eta baldintzarik onenetan gainera.